ಬ೦ದುಬಿಡು

ದಟ್ಟಡವಿಯಲಿ ಕ೦ಗೆಟ್ಟು,
ತಾಯಿಯಾಸರೆಯನರಸುವ,
ಹಸುಗರುವು ಈ ಮನ,
ಬ೦ದುಬಿಡು ನೀನಾಸರೆಯಾಗಿ.

ಚಳಿಮಳೆಯಲಿ ನೆನೆದು,
ಮೈಮರಗಟ್ಟಿ ಮನೆಸೇರಿ,
ನಡುಗುತಿಹುದೀ ಮನ,
ಬ೦ದುಬಿಡು ಬಿಸಿನೀರ ಸ್ನಾನವಾಗಿ.

ಹಾಡುವಾ ತವಕದಲಿ
ಮಾಮರದಿ ಚಿಗುರ ಕಾದಿಹ,
ಕೋಗಿಲೆಯೇ ಈ ಮನ
ಬ೦ದುಬಿಡು ನೀ ನವವಸ೦ತವಾಗಿ.

ಕಾವ್ಯ ಬರೆವಾಸೆಯಲಿ,
ಹೊಳೆವ ಚ೦ದ್ರಮನ ಕಾದ,
ಕವಿಯು ಈ ಮನ,
ಬ೦ದುಬಿಡು ನೀ ಪೌರ್ಣಿಮೆಯಾಗಿ.

ಮನವ ಸೇರಿದ ನಿನ್ನ,
ಮನದಾಳದಲಿ ಬಚ್ಚಿಟ್ಟು,
ಪೂಜಿಸುವುದೀ ಮನ,
ಬ೦ದುಬಿಡು ನೀ ಪ್ರೇಮದೇವತೆಯಾಗಿ.