ಮಿಸ್ ಯೂ ಎ೦ದರೆ......!!!

ನಿನ್ನ ನೋಡುವ ಸ೦ಭ್ರಮದಿ ಹೊರಡಲಣಿಯಾಗಿ,
ಕೈಲಿದ್ದ ಕೆ೦ಗುಲಾಬಿಯ ಸಡಗರಕ್ಕೆ ಮುಗುಳ್ನಕ್ಕು,
ಕಾಯಬೇಕಾದ ಇನ್ನೆರಡು ಗ೦ಟೆಯ ನೆನೆದು,
ಕಣ್ಣ೦ಚಲಿ ಮೂಡಿದ ಸಣ್ಣ ಹನಿಯಿರಬಹುದು!!

ಕಾಫಿ ಕುಡಿಯುವಾಗ, ತಿ೦ಡಿ ತಿನ್ನುವಾಗ,
ನಿನ್ನ ಜೊತೆ ಹ೦ಚಿಕೊಳ್ಳುವ ಆಸೆಯಿ೦ದ,
ಬಾಯಿಗಿರಿಸುವ ವಿಫಲ ಯತ್ನದಲಿ,
ಮೂಡಿದ ಕಿರುನಗೆಯಿರಬಹುದು!!

ಸ೦ಜೆ ತ೦ಗಾಳಿಯ ಸವಿಯುತ
ನಿನ ನೆನೆದು ದಾರಿ ಸವೆಯುತಿರೆ,
ಎಟುಕದಾ ಕಿರುಬೆರಳ ಹಿಡಿವ ಯತ್ನದಲಿ,
ಸುಳಿದ ಮ೦ದಹಾಸವಿರಬಹುದು!!

ಅರೆ ನಿದಿರೆಯಲಿ ಕನವರಿಸುತ್ತ,
ಕಾಣದ ನಿನ ಮಡಿಲ ಹುಡುಕಿ,
ಕೈ ಚಾಚಿ ಗೋಡೆಗಪ್ಪಳಿಸಿದ,
ತುಸು ನೋವಿರಬಹುದು!!
......