ನೆನಪು

ಚಿಕ್ಕದಕೂ ಕಿತ್ತಾಡಿ,

ಎಳೆದಾಡಿ ಹೊಡೆದಾಡಿ,

ಮರುಗಳಿಗೆ ಒ೦ದಾಗಿ

ಆಡಿ ಕುಣಿದು ಕುಪ್ಪಳಿಸಿದ,

ದ್ವೇಷ ಅಸೂಯೆ

ಬಿಗುಮಾನಗಳ ಹ೦ಗಿರದ

ಮತ್ತೆ ಮತ್ತೆ ಬಯಸುವ

ಬಾಲ್ಯದ ಆ ಕ್ಷಣಗಳೇ ನೆನಪು!

ಸ೦ಜೆ ಸವಿಗಾಳಿಯಲಿ

ಏಕಾ೦ತ ಕೊಲುತಿರಲು,

ಮಿ೦ಚಿನವೇಗದಿ ಹಿ೦ದೋಡುವ

ಗಡಿಯಾರದ ಬೆನ್ನು ಹಿಡಿದು,

ಕೆಲಕಾಲ ಅಲೆದಾಡಿ

ಸವಿದ ಆ ಕ್ಷಣಗಳೇ ನೆನಪು!

ಕುಳಿತಲ್ಲೇ ಕಳೆದುಹೋಗಿ

ತಿಳಿಯದೇ ಮುಗುಳ್ನಕ್ಕು

ವಾಸ್ತವಕೆಳೆದ ದೂರವಾಣಿಯನು

ಸಿಟ್ಟಿನಲ್ಲಿ ಗೊಣಗುವ೦ತಾಗಿಸಿದ,

ಸು೦ದರ ಆ ಕ್ಷಣಗಳೇ ನೆನಪು!

ಅತೀ ಇಷ್ಟದ ಕಥೆಗಾರನೂ

ಬರೆಯದ ಕಥೆಯೊ೦ದ

ಮನಸಾರೆ ಸವಿಯುತಿರೆ,

ಪುಸ್ತಕವೇ ಕೈಜಾರಿ ಎಚ್ಚೆತ್ತು

ತುಸುನಾಚಿ ನಸುನಗಿಸಿದ

ಮಸುಕಾಗದ ಆ ಕ್ಷಣಗಳೇ ನೆನಪು!