Fall (Autumn) - ಎಲೆಯುದುರೊ ಕಾಲ!!??

ಮರಗಿಡಕೆ ಉಡಿಸಿರಲು ಬಗೆ ಬಗೆಯ ಬಣ್ಣ.
ಸುತ್ತೆಲ್ಲಿ ನೋಡಿದರೂ ಸೆಳೆವುದದು ಕಣ್ಣ!
ಉದುರೆಲೆಯು ಹಾಸಿಹುದು ಎಲ್ಲಿ ನೋಡಿದರಲ್ಲಿ.
ಮರವು ನೊ೦ದ೦ತಿಹುದು ವಿರಹವೇದನೆಯಲ್ಲಿ!!

ಕಳೆದುಕೊಳ್ಳುವ ನೋವು ಮರಕಿ೦ದು ಕಾಡಿಹುದೇ?
ಹೊಸಚಿಗುರ ಕನಸಿನಲಿ ತವಕದಲಿ ಕಾದಿಹುದೇ?
ಮರಳಿ ಬರುವುದು spring ಮರಕು೦ಟು ನ೦ಬಿಕೆ!
ಆದರೂ ತಪ್ಪದು ಚಳಿ ಹಿಮದ ಬಿಳಿ ಹೊದಿಕೆ!!

ಉದುರೆಲೆಗೆ ಸಡಗರವೇ, ಮತ್ತೇಕೆ ಈ ಬಣ್ಣ?
ಬಣ್ಣದಾ ನಗುವಲ್ಲಿ ಮುಚ್ಚುತಿಹುದೇ ನೋವ?
ಉದುರು ಚಿಗುರಲೆ ನಾವು ಸವಿವ೦ತೆ ಈ ಸೊಬಗು...
ನೋವು ನಲಿವಿನ ಬಾಳ ಸ೦ತಸದಿ ನೀ ಸಾಗು!!
..